«ور» دنړۍ او افغانستان خبري ټولګه

شرف الدین ستانکزی: لنډه پیژندنه او کاری بوختیاوې

شخصی پیژندنه: شرف الدین ستانکزی د میدان وردګو ولایت د نرخ ولسوالۍ د اسمعیل خیل قریې د ملا جلال بابا کلي کې زیږیدلی دی. د هغه پلار، حاجی جانان، نومیده او مور او پلار یې دواړه وفات شوي دي. د هغه د زیږیدنې دقیق تاریخ په رسمي اسنادو کې ۱۳۵۲ هجري لمریز کال ذکر شوی دی.

زده کړې: شرف الدین ستانکزي لومړنۍ زده کړې په میدان وردګو کې پیل کړې، خو د جګړو له امله یې زده کړې په پاکستان کې دوام وکړ. هغه په ابوحنیفه، سید جمال الدین افغان او اتحاد لیسو کې زده کړې وکړې. وروسته یې نیمګړي پوهنتوني زده کړې په یو جهادي پوهنتون کې ترلاسه کړې. په ۲۰۰۸ کال د هرات الغیاث پوهنتون کې د حقوقو څانګه کې او په همدغه کال د دویچه وله المان راډیو تلویزون اکادمی کې د ژورنالیزم آنلاین لوړې زده کړې وکړې. په ۲۰۱۱ کال کې د المان بون ښار دویچه وله څخه بری لیک واخیست.

کاری بوختیاوې: شرف الدین ستانکزي په ۱۳۷۱ هجري لمریز کال کې د افغانستان عامې روغتیا وزارت کې دنده پیل کړه او تر ۲۰۰۱ میلادي کال پورې یې هلته کار وکړ. هغه په ۱۳۶۵ هجري لمریز کال کې د ادبي فعالیتونو پیل د پیښور په شهادت، اتحاد او هیواد ورځپاڼو کې وکړ. په ۲۰۰۳ میلادي کال کې د ازادۍ راډیو په کابل کې د خبریالۍ روزنیزه برخه کې ګډون وکړ. په ۲۰۰۴ میلادي کال کې هرات ته د ازادۍ راډیو خبریال په توګه واستول شو. هغه په بیلابیلو رسنیو کې لکه رویترز، پژواک، بینوا، ملي راډیو تلویزیون، دویچه ویله او اتفاق اسلام کې دنده ترسره کړې ده. اوس مهال هغه د ازادۍ راډیو خبریال دی.

اوسنی وضعیت: شرف الدین ستانکزی په ۲۰۱۴ کال د امریکا د بهرنیو چارو وزارت په رسمي بلنه او مالي لګښت د رهبری څانګې یو روزنیز پروګرام کې واشنګټن ډي سي ته په سفر لاړ او تر فراغت وروسته د خارجه وزارت بری لیک ورکړل شو. اوس مهال په امریکا ورجینیا ایالت کې له خپلې کورنۍ سره استوګن دی او د ډلاس نړیوال هوایي ډګر کې دنده لري. په سوشیل میډیا کې د افغانستان ورځنۍ تازه پیښې هم نشروي.

کورنی وضعیت: شرف الدین ستانکزی شپږ اولادونه لري: درې زامن او درې لوڼې. مشر اولاد یې لور یاسمین ستانکزی، او کشر یې ۲ کلن شجاع الدین ستانکزی دی.