«ور» دنړۍ او افغانستان خبري ټولګه

د دغه ولایت والی احمدالله علیزی پژواک سره په خبرو کې وویل ۵۲ زره ټوکه کتابونه او مربوطه قرطاسیه یې تیرمازیګر پرته له امنیتی مشکله بالامرغاب ته ورسیده او د ۶۸ ښونځيو د زده کونکو د کتاب د کمښت یانشتوالی ستونزه ورسره حل شوه.

« دغه کتابونه ډير یې د هغې سیمې د خلکو له غوښتڼې سره سم په مورنۍ ژبه ورته ترتیب شوی دی  چه تیرمهال دبالامرغاب ښونځيو کې د زده کونکو یوه له غوښتنو څخه وه»

د بادغیس والی ومنله چه د کتابونو په لیږد کې یې سیمه یزه طالبانو سره تفاهم شوی دی. ده پژواک ته وویل« د طالبانو ځو بیلابیلو مشهورو ډلو سره د کتابونو د لیږد او ښونیزه بهیر په اړه اړیکی ونیول شوی هغوی ډاډ راکړ البته د کتابونو لیږد کې د ولسی مشرانو هځې هم د قدر وړ دی»

دغه راز د بالامرغاب ولسوالۍ د معارف امر خیرمحمد خادم هم په ټلفونی تماس کې د کتابونو لیږد کې د طالبانو مرسته تایید کړه ویویل ډاډ یې ورکړی دی چه د ښونیزه پروګرام په اړه به مرسته کوی.

د بالامرغاب د معارف امر وویل د کتابونو رالیږد د دوی د ولسوالۍ لپاره د یوه انقلاب هغومره اهمیت لری او ټول بالامرغابیان ورته خوښ دی.

ده وویل بالامرغاب کې ۶۸ ښونځي شته چه ۹ یې لیسې ۱۷ یې متوسطې یوباب د دینی علومو مدرسه پاته نور د لومړنیو زده کړو ښونځي دی. د زده کونکو شمیر له لومړی بیا تر ۱۲ ټولګی ځه دپاسه ۱۶ زره تنو ته رسیږی چه یونیم زرتنه یې نجونې زده کونکې دی.    دوی  تر دی مهال د کتاب او نورو درسی توکو د نشتوالی ستونزه لرله.

د بادغیس یوه استوګن عبدالحق پژواک سره په خبرو کې سیمې ته د کتابونو په وروړلو ډیر خوښ و. ویویل د کورنۍ درې تنه ماشومان یې د هغې سیمې د اکازو ښونځي کې له دریم تراوم ټولګی زده کړې کوی  تردې د مخه یې د کتابونو نشتوالی یوه ستونزه وه هغه وویل« زمونږ هلکانو او نجونو به یو کتاب په نوبت سره په ۵ تنو ګرځاوه  دغه کباب به هم د ۵ کاله پخوا وه  دمره زوړ او شکیدلی وه چه اصلاٌ توری به یې نه څرګندیدل»

دیه وویل خو اوس چه نوی کتابونه راغلل د زده کونکو په زده کړه به مثبتې اغیزې وکړې ځکه یو خونوی دی  بل ښیګڼه یې داده چه په مورنۍ (پښتو) ژبه دی. د کوم څه لپاره چه مونږه ډيرځله عرایض دولت ته ورکړی و

بالامرغاب د بادغیس ښار قلعه نو شمال ۱۵۰ کیلومترۍ کې یوه ترټولو ګڼه میشته ولسوالۍ ده چه  په ګاونډي هیواد ترکمنستان سربیره  غور او فاریاب ولایتونو سره د سرحد په لرلو ستراتژیکه سیمه یادیږی.  د راپورونو په بنسټ د بالامرغاب  ولسوالۍ ترمرکز پرته نور په ټوله ځمکه له پنځه کلونو راهیسې د طالبانو ښکاره حضور شته  او د هیواد تر تولو بنسټيزه پروژه  د افغانستان د حلقوی سړک کار هم دلته  ځنډ او خنډ سره مخ دی.

نو دا چه طالبانو یې سیمې ته د ښونځي د کتابونو لیږد کې مخالفت ونکړ  ګڼه سیمه یز خلک یې په نیک پال شمیری وایی تمه شته چه د تولنیزه ژوند نورو برخوکې به یې هم سهولت پیدا شی.