«ور» دنړۍ او افغانستان خبري ټولګه

د معارف د ریاست ویاند محمد معین صبور نن پژواک ته وویل دغه درې ودانۍ د فرسی، کسهان، او پښتون زرغون ولسوالیو کې په پاخه او اساسی ډول د شپږ میاشتو په موده کې جوړیږی،  په جوړونه به یې د ۵ زره نارینه او ښخينه زده کونکو د ځای د کمښت یاد نشتواالی ستونزه حل شی.

ده وویل مالی لګښت یې تر ۴۰۰ زره یورو رسیږی چه د افغانستان د معارف پرمختیایی بودجې، کابل کې د جاپان سفارت او هرات کې میشت د ایټالیاولایتی بیارغونې ټیم ورکړی دی.

د ښونځيو دغه ودانۍ د فرسی د دواب کلی کې د ولایتی بیارغونې ټیم په ۱۴۱۰۰۰ یورو جوړیږی.  د پښتون زرغون، ولسوالۍ  د  ده شیخ،  کلی کې ودانیږی مالی لګښت یې ۱۴۵۰۰۰ امریکایی ډالره دی د جاپان د سفارت په لګښت ودانیږی. او د کهسان ولسوالۍ د زینب په نوم ښځينه ښونځی ته د افغانستان د معارف وزارت د پرمختیایی بودجې څخه د ۹۸ زره امریکایی ډالرو په لګښت د ودانۍ کار پیل شو.

د هرات د معارف ریس عبدالبصیر اروین طاهری د دغو ودانیو د بنسټ د دبرې د کیښودو غونډه کې وویل چه ودانۍ یې افغان ساختمانی شرکتونو ته د تړون په اساس ورکړی دی  د ۶ میاشتو په موده کې به یې په بنسټیزه ډول چاری تکمیلوی  د پروژې له بهیره یې د معارف په مسلګی پلاوی سربیره  د سیمې د شورا له خوا هم څارنه کیږی  څو  تړون  سره سم یې په غوره کیفیت چارې په مخ بوزی.

ده دا هم وویل چه هرات کې د کال له سره د ښونې برخه کې ۳۵ پروژې لاس لاندې نیولی چه څه ېې د پیل په مرحلو او یو شمیر یې د بشپړیدو په حال کې دی.

د فرسی د دوآب د ښونځي د ۷ ټولګی یوه زده کونکی شیرحیدر  پژواک ته وویل تیرمهال یې د ښونځي د نشتون له کبله ډیر مشکلات ګاللی دی  د یخنۍ او ګرمۍ په موسم کې  به په لوڅ ډګر درس ته ناست وه  خوتردی وروسته به  دی وایی د ښونځي ودانۍ په جوړښت دښو صنفونو لرونکی شی.

د معارف د ریاست ویاند وویل په نویو ودانیو کې به زده کونکو ته  د څښن د پاکو اوبو او تشنابونو  په سیستم سریبره د لوبو ډګر او نور اړین امکانات هم برابر شی.