«ور» دنړۍ او افغانستان خبري ټولګه

په لودیځ زون کې سرحدی پولیسو مشر ومنله چه تیره شپه یې دبادغیس بالامرغاب ولسوالۍ کې په یوه پوسته د طالبانو برید کې پنځه تنه پولیس ووژل.

د سرحدی پولیسو قوماندان جنرال شیر احمد ملدانی نن په هرات کې خبریالانو سره په خبرو کې دغه خبر تایید کړ ویویل د ۲۰۰ په شمیر کې طالبان تیره شپه بالامرغاب کې د سرحدی ځواکو په پوسته په حمله ورغلی دی جګړی ټوله شپه دوام کړی او د سیمې خلکو په مرسته ځواکونو پوسته طالبانو ته نده پریښې خو نښته کې ۵ تنه پولیس وژل شوی دی یو ټپی شو.

ده وویل د جګړې له میدانه داسې نښې  ښکاری چه طالبانو ته هم درنه مرګ ژوبله اوښتې ده خو دقیق شمیر یې نده څرګند.

له سیمه کې د عبدالله په نوم یوه وکړی هم  دټلفون په کرښه د سختې جګړی حال ورکړ خو زیاته یې کړه چه طالبانو د شپې په مهال د پوستې په نیولو سره پنځه تنه پولیسو ووژل او د هغوی وسلې او امکانات یې ځان سره وړی دی. خو دولتی مامورینو دغه ادعا ناسمه وبلله.

طالبانو په تازه پیښه نظر نده ویلی.